Tha uallach air an Oifigear Clàraidh Taghaidh airson Clàr Luchd-bhòtaidh a chur ri chèile agus a chumail airson nan sgìrean a tha iad a’ riochdachadh. Tha dà dhreach den Chlàr.

Tha Clàr an Taghaidh a’ liostadh ainmean agus seòlaidhean gach neach a tha clàraichte airson bhòtadh ann an taghaidhean poblach. Tha an clàr seo cuideachd air a chleachdadh airson daoine a ghairm airson seirbheis diùraidh, casg agus lorg eucoir agus sgrùdadh iarrtasan airson creideas. Chan fhaod buidhnean fiosrachaidh creideas a chleachdadh ach airson ainm is seòladh an neach-ceannach a sgrùdadh ma tha iad a’ cur a-steach airson creideas agus adhbharan eile a tha air an sònrachadh san lagh. Tha na daoine agus na buidhnean aig a bheil còir an clàr seo fhaighinn air an sònrachadh san lagh, tha tuilleadh fiosrachaidh mu cò gheibh an clàr seo air a ghabhail a-steach san Fios Dìomhaireachd againn

Tha an Clàr Fosgailte na earrann de Chlàr an Taghaidh, ach chan eilear ga chleachdadh airson taghaidhean. A rèir an lagha feumaidh mi a dhèanamh ri fhaighinn airson a cheannach. Faodar a cheannach gu h-iomlan no ann am pàirt le neach, companaidh no buidheann sam bith. Mar eisimpleir, bidh e air a chleachdadh le gnìomhachasan agus carthannais gus mion-fhiosrachadh ainm is seòladh a dhearbhadh.

A’ tarraing a-mach às a’ Chlàr Fhosgailte

Bidh d’ ainm agus do sheòladh air a’ Chlàr Fhosgailte mura iarr thu gun tèid an toirt air falbh. Faodaidh tu iarraidh gun tèid do thoirt air falbh bhon Chlàr Fhosgailte aig àm sam bith agus cha toir seo buaidh air do chòir bhòtaidh, no air an sgòr chreideis agad. Ma tha thu clàraichte mu thràth, faodaidh tu fios a chuir chun oifis a’ cleachdadh am fiosrachadh conaltraidh a tha air a thoirt seachad air an taba conaltraidh.